Bake prozesua indartzeko Foro Soziala. Herritarren parte-hartzea bake prozesuan

Bakearen eta bizikidetzaren errotzea bultzatzea, bake prozesuan gizartearen protagonismoa indartzea eta orain dela urtebete aurkeztutako gomendioen edukietan sakontzea izango dira ekimen honen helburuak.

Azken urteetan aurrerapauso garrantzitsuak eman dira, baina oraindik ere zailtasun handiak daude; bake prozesu barne-hartzaile bat errotzeko gainditu beharreko zailtasunak, alegia. Hortaz, Foro Soziala bezalako ekimenak beharrezkoak dira hausnarketa egin, partekatu eta konponbide berriak definitzeko.