Euskaltzaindiaren Nazioarteko XVI. Biltzarra. Pirinioetako hizkuntzak: lehena eta oraina

Urriaren 6tik 10era, Euskaltzaindiak bere XVI. Nazioarteko Biltzarra egingo du Iruñean. Gaia Pirinioetako hizkuntzak: lehena eta oraina izango da, aste oso batean zehar aztertuko baitira Pirinioetako hizkuntza historikoen nondik norakoak. Hartara, euskara, aragoiera, katalan eta okzitanieraren hainbat alor ikertuko dira, hala nola, euren historia, dialektologia, literatura, soziolinguistika, teknologia berriak eta toponimia, aditu eta jakitun askoren ekarriak bilduz. Aldian-aldian egiten ditu Euskaltzaindiak bere Biltzarrak.

Oraingoa hamaseigarrena delarik, aldi eta une erabakigarrian
gertatzen da erakundearen ibilbidean. Batetik, 90 urte betetzera doa Euskaltzaindia eta, bestetik, azken urteetan Euskararen Akademiak bere aldaketak eta gaurkotzeak egin ditu, kide zein egitasmo berrietan.

EGITARAUA Urriak 6, astelehena: Hasiera ekitaldia

18.30ean Aurkezpena.
Agintarien agurrak.
Sarrera-hitzaldia Michael Metzeltin-en eskutik: Las lenguas de los Pirineos.
20.00etan Emanaldi artistikoa: Coral de Cámara de Navarra, David Guindanoren zuzendaritzapean