Vianako Printzearen Nafarroako Nazioarteko Sariak

Vianako Printzearen Nafarroako Nazioarteko Sariak Asturiasko eta Vianako Printzeak, Felipe eta Letizia berorren gorentasunak, banatuko dituzte. Sariak hiru arlo hauetan nabarmendu diren pertsona edo erakundeei ematen dizkiete, urtero: kultura, elkartasuna eta mendekotasuna. Aurten, nazioarteko sari horiek jasoko dituzte Jürgen Untermann hizkuntzalariak, kultura arloan; kasta gutxiagotuetako indiar emakumeei laguntzen dien gobernuz kanpoko Creative Handicrafts erakundeak, elkartasunaren arloan; eta Adindunen Erakundeen Espainiako Konfederazioak (CEOMA), mendekotasunaren arloan. Kategoria bakoitzeko saridunei 40.000 euro emango dizkiete.