VIII. Biltzarra Nafarroako Ekonomiari buruz

Nafarroako Gobernuak eta Nafarroako Unibertsitate Publikoak Nafarroako Ekonomiaren 8. Kongresua antolatu dute, Krisi ekonomikoaren ikasgaiak izenburupean. Edizio honen egitarauan, gaur egungo krisi egoera aztertuko da, eskualdeetako ziklo ekonomikoen, administrazio publikoen, finantza-merkatuen eta enpresa-munduaren inguruko analisia eta eztabaida eginda.

Ekonomiaren Kongresuak 1995etik egiten dira, helburu hauekin: Nafarroako errealitate ekonomikoaren ezagutza sakontzera bideratutako azterketak eta analisiak bultzatzea, horien zabalkundean laguntzea gogoetak, esperientziak eta eztabaidatutako proposamenak argitaratzea babestuz, eta Foru Komunitatearen garapenari buruzko etorkizuneko ikerketak sustatzea.

Nafarroako Ekonomiaren Kongresuak aurreko edizioekin alderatuta formatu berria estreinatu du. Izan ere, antolatzaileek ikasgai magistralak zein eztabaidak eta analisiak mahai-inguruetan egin nahi dituzte, programa parte-hartzaileagoa izan dadin. Era berean, esparru desberdinetako hogei hizlari egongo dira, hala nola enpresa mundukoak, mundu akademikokoak, sektore publikokoak eta finantza sektorekoak.