Bruckner-en 3. Meza

3. Meza Fa minorrean, Te Deum-rekin batera, Anton Bruckner musikagilearen erlijio-obra nabarmenena da. Eta Meza honekin, hain zuzen ere, Iruñeko Orfeoiaren 150. urteurrenaren ospakizunei amaiera emango zaie, Nafarroako Orkestra Sinfonikoak lagunduta. Abuztuan Londresko Proms-en eszenatoki entzutetsuan estreinatu ondoren, austriar konpositorearen maisu-lan honetaz gozatzeko pribilegioa izango dugu. Partitura honen soinudun itzulpenaren garrantzia, ahots eta instrumentu talde handien eskura dago soilik. Bruckner-ek 1867an “eraikitzen” amaitu zuen oihartzun handiko katedral zoragarri honetan (geroago hainbat alditan berrikusi zuena) gogo-aldarteen kontraste handiak orkestratzen dira –tuttiaren leherketetan adierazita, a cappella pasarteekin eta intimismo hunkigarri baten marmar adierazkor isilekin aldizkatuz–. 1872an estreinatuta, jainkozaletasun sakoneko zama ikaragarria da. Espainia mailan batuta onenetarikoa eta zalantzarik gabe nazioartekoenetakoa den Juanjo Menak zuzenduko du kontzertua.


Nafarroako Orkestra Sinfonikoa
Iruñeko Orfeoia
Zuzendaria: Juanjo Mena


PROGRAMA

Anton Bruckner (1824-1896)
3. Meza Fa minorrean