Del rey abajo, ninguno
Teatro Klasikoaren Konpainia Nazionalak Francisco de Rojas Zorrilla dramaturgo xelebreari omenaldia eskeintzen dio, bere jaiotzaren 400. urteurrenean, bere obra ospetsuena den Del rey abajo, ninguno taularatuz. El labrador más honrado, García del Castañar o El Conde de Orgaz tituluaz ere ezaguna, testua XIV. mendean kokatzen da Gaztelako Alfonso XI-ren erregealdian. Komiko eta tragikoaren artean mugitzen den obra entretenigarri hau kontrastez beterik dago, Gortearen bizitza ustel eta friboloa nekazarien alaitasunarekin aurrez aurre ipiniz. Halaber, klase kontzientziaz eta ohoreaz gogoeta egiten du. TKKNren antzezpean bi dira kontutan hartu beharreko alderdiak: musika (XVII. mendeko konposizio musikalak batzen ditu: dantza estilizatuak, abesti eta tonuak, kanpotar zita musikalak eta herrikoi jatorriko musika) eta jantziak (dotore eta argitsuak, Velazquezen koadroetan inspiratuta).
Zuzendaritza eta bertsioa: Laila Ripoll
Eszenografia: Miguel A. Coso y Juan Sanz
Musika zuzendaritza: Alicia Lázaro
Jantziak: Almudena R. Huertas
