El alquimista impaciente

 

Zuzendaria: Patricia Ferreira.

Gidoia: Patricia Ferreira, Enrique Jiménez.

Argazkiak: Marcelo Camorino (koloretan).

Musika: Javier Navarrete.

Aktoreak: Ingrid Rubio, Roberto Enríquez, Chete Lera, Adriana Ozores, Miguel Ángel Solá, Jordi Dauder.

 

Urtea: 2002
Herrialdea: Espainia

Iraupena: 110 minutu. / Jatorrizko bertsioa gaztelaniaz

 

 

Errepideko motel batean, biluzik eta ohe batera lotuta dagoen gizon baten gorpua agertuko da. Kasuaren ikerketaren ardura Rubén Bevilacqua sarjentuak eta Virginia Chamorro lankideak hartuko dute, bereziki delikatua baita, Trinidad Soler, hil den gizona, zentral nuklear bateko ingeniaria zelako eta, ondorioz, prentsan espekulazio tremendistenak egin baitituzte. Biktima gizon arrunta zen, estimu handia ziotena lanean, ezkondua eta seme-alaba txikien aita, eta, hasiera batean, beraz, ez dago susmagarririk. Bevilacquak eta Chamorrok jakingo duten gauza bakarra da ingeniaria neska gazte eta oso eder batekin joan zela motelera, eta inolako aztarnarik utzi gabe desagertu dela neska hori. Ondorioztatuko da heriotza istripuz gertatuko zela eta, hortaz, kasua amaitutzat joko da. Hiru hilabete geroago, ordea, baso batean emakume baten gorpua agertzeak ikerketari berriro heltzea ekarriko du. 

 

Lorenzo Silvaren izen bereko eleberriaren egokitzapena da, gidoi onenaren urrezko domina eskuratu zuen, Idazle Zinematografikoen Zirkuluak emandakoa, eta Goya sarietarako bi hautagaitza.