Elizabeth I, azken dantzaldia
Ia bost urtez opera eta balet zuzentzen eman ostean, antzerkira bueltatzen da berriro Lindsay Kemp, produkzio propio batekin, gainera: ospea eman dioten lanen ildo beretik doan ipuin fantastiko bat. Aurrekoetan, Salomé bezalako emakume aztoratzaileak, edo anbiguotasun sexual ikertu baldin bazituen, bere azken muntaian Ingalaterrako Isabel Ia, "Erregin Birjina" antzeztera ausartu da mimografo britaniarra. Erreginaren azken egunak azaltzen ditu lan honek, azken aluzinazio, gaixotasun eta nostalgia bakartia jorratuz.
Hiru antzezle baino ez doaz Kempekin: erreginak izan zituen etsai guztiak antzezten dituen neska bat, amorante guztiak egiten dituen antzezle bat eta narrazio lanak egiten dituen beste bat. Erraztasunak paper garrantzitsua jokatzen du fantasiazko istorio honetan, pasioa eta benetazko bakartasunaren, zein ohore publiko eta ahultasun fisikoaren arteko kontrastea erakusten duen istorioa.
