Euskadiko Orkestra Sinfonikoa
PROGRAMA
J. Sibelius
Biolin eta orkestrarako kontzertua Re minorrean, opus 47 [31']
J. Sibelius
5. Sinfonia Mi bemol maiorrean, opus 82 [33']
Frank Peter Zimmerman, biolina
Carlo Rizzi, zuzendaria
Sibeliusen ahotsa
Ez dago denbora igarotzea baino epaile hoberik, eta hori egiaztatzen du Sibeliusen Biolinerako kontzertuak, izan ere, 1904ko estreinaldia ezin txarragoa izan bazen ere, egun leku esanguratsua betetzen du errepertorioan. Frank Peter Zimmermann, gure publikoaren artean aski ezaguna, arduratuko da bere garaian ulertu ez zen eta kritikariek, Adornok kasu, gogor eraso zuten kontzertu honen melodia ezagunei eta egitura bitxiari indarra emateaz. Izan ere, Sibelius diskurtso sinfonikoari bide berriak irekitzen murgilduta zegoen, eta ikerketa horren emaitza onenak agerian utzi zituen Carlo Rizzik zuzenduko duen 5. Sinfonia mi bemol maiorrean lanak. 1915 eta 1919 urte bitartean sarritan berrikusi zen obra honetan, musikagile gisa bere ahots propioa bilatzen Sibeliusek egindako ahalegina islatzen da, izan ere, Debussyren, Stravinskyren edo Schoenbergen modernismoaren aurrerakuntzak ikusita, krisian zegoela uste zuen artistak.
