First Leap
Garai honetan oihala igotzen duen kontzertuak Jazzy Leap-aren jendaurreko aurkezpen diskografikoa da. Jazz, swing, bossa nova edo pop/rock bezalako mundu ezberdinetan jatorria duten eta guztiz heterogeneoa den gaien hautaketa bat entzungo dugu. Kontzertu honetan, azken bost urteko ibilbidean Jazzy Leap hazten lagundu duten eta jadanik hainbat monografikoetan jo diren gaiak entzungo dira. Presentzia berezia izango du Antonio Carlos Jobim, Duke Ellington eta The Beatles-en musikak,baita gure errepertorioetatik Queen, Broadway, Gospel eta Euskal Kantei eskainitako xehetasunak ere.Bai diskoaren grabaketa baita zuzenean jotzea ere gure abeslari eta instrumentistentzat erronka bat izan da. Horrela, kontzertuan zehar ñabardura eta ehundura eskala zabal bat behatu daiteke, etengabeko kontrasteak maila dinamikoan eta agogikoan; horrek, estilo bakoitzaren baliabide espresibo berezien ezagupenaz gain, musika tresna edo ahotseko kontrol teknikoaren maila altu bat eskatzen du. Era berean nagusitasuna, abesbatza, bakarlari eta bandaren artean banatzen da, “publiko handiarentzat” (Let It Be) ulergarriak diren uneak txandakatzen dira guztiz jazz-uneak diren beste batzuekin (Lush Life). Kontzertu honetan aurkezten dugun diskoaren grabaketa Le Studio du Moulin (Montcabrier, Frantzia), Aberin Estudioak (Nafarroa) eta 44.1 Estudi de gravació (Girona) artean gertatu da.
