28 abendua, osteguna
20:30etan. · Areto Nagusia
Antolatzailea:
Jokin Zamarbide
Benito Lertxundi
Benito Lertxundik 50 urteko ibilbidea ospatzeko, Euskal Herrian zehar kontzertuak emateari ekin zion Oroimenaren Oraina izeneko diskoa ardatz zuen biran eta oraindik ere zuzenekoetan murgildurik jarraitzen du.
Bere betiko estiloari jarraituta, emanaldian oraindik argia ikusi ez duten kantuak ere aurkeztuko ditu Orioko kantariak, barne hausnarketak, Fernando Pessoa portugaldar idazlearen olerkiak edota Jorge Bucay argentinarraren olerkiren batekin konposatutakoak. Horiekin batera, jakina, betiko kanturik ezagunenek ere tokia izango dute.
Kontzertuan ohiko musikariek lagunduko diote: Juantxo Zeberio (piano eta sintetizadorean), Amaiur Cajaraville (baxuan), David Gorospe (baterian), Angel Unzu (gitarra eta bouzoukiarekin), Gurutz Bikuña (gitarrekin), Xabier Zeberio (biolina eta nyckelharpa), Pello Ramirez (eskusoinu eta biolontxeloarekin), Intza Unanue (koroak egiten) eta Olatz Zugasti (harpa, teklatu eta ahotsarekin).
