Baluarte Fundazioa 2020/2021 Denboraldia
2 azaroa, astelehena
20:00etan. · Areto Nagusia
Antolatzailea:
Baluarte Fundazioa
Christian Zacharias, pianoa
KONTZERTUA BERTAN BEHERA GERATZEN DA
COVID-19ak sortutako osasun larrialdia dela-eta Europan ezarritako murrizketen ondorioz, Christian Zacharias alemaniar pianistak europear biraren errezitaldi guztiak bertan behera uztea erabaki du, horien artean Baluarte Fundazioaren 2020-2021 denboraldiaren baitan gurean azaroaren 2an iragarrita zegoen kontzertua.
Datozen asteotako egoeraren arabera, Baluarte Fundazioaren Denboraldiko harpidunei zer egin esango zaie. Erositako sarrera solteen zenbatekoaren itzulketa erositako kanalaren bidez egingo da: Internet bidez eskuratutakoen kasu, dirua zuzenean itzuliko da; eta txartel-leihatilan erositakoen zenbatekoa, txarteldegian bertan.
Christian Zacharias kontalaria da bere belaunaldiko zuzendarien eta pianisten artean, eta ezin eztabaidatuzko lekua du piano modernoaren olinpoan. Landuak, zehatzak eta argi artikulatuak diren bere interpretazioetako bakoitzean, garbi gelditzen da Zachariasek noten atzean dagoenarekiko interesa duela. Osotasunak eta banakotasunak, hizkuntza-adierazkortasun distiratsuak, musika-ulermen sakonak eta sen artistiko seguruak osatutako konbinazio bakan bati Zachariasek nortasun artistiko karismatikoa eta erakargarria gehitzen dio. Luis Suñen kritikariaren hitzetan, Zacharias “onenetako bat da, serioenetako bat, sendoenetako bat, kulturak eta esku artean daukana zer den, nondik datorren eta nora doan jakiteak ematen duen irudimen adierazgarri horren jabea”. Erabateko plazera gure artean edukitzea.
