Danni Leigh
Country garaikidearen ahots onenetarikoa duen Danni Leigh-ek Baluartera bere musikaren energia guztia ekarriko du, eguneroko bizitzaz hitz egiten duten letra propioekin eta beste batzuren musikekin. Virginiako herrixka batean jaiotako abeslari iparamerikar hau “artista bihurri, inkonformista, jatorra eta berritzailea” da, diskoaren sustapenean adierazten dutenez. 29 Nights (1998) eta A Shot of Whiskey and a Prayer (2001) plazaratu ondoren, amerikar konpainia independente handiena den Audium bere ibilbidean gurutzatu zen: fitxatu egin zuen eta Divide and Conquer (2001) bere ametsetako diskoa egiteko baimen osoa eman zion, seguru asko bere lanik pertsonalena, baina amerikar musika herrikoiaren tradizioan bere erroak sakonki hondatzen dituena. Erakargarri eta zaindutako irudi batekin –erabat cowboya–, abeslari country honen musika Patsy Cline famatuaren eragina eta Dwight Yoakam-en bizitasuna nahasten ditu; honekin batera eszenatokian pasioa erakusten du. Masquerade of a Fool (2007) laugarren diskoa plazaratuta eta bosgarrena sortze prozesuan, Danni Leigh nazioarteko mailan finkatu da. Dudarik gabe, 2013-2014ko Musiketan zikloari amaiera ezin hobea emateko hitzordua da hau.
DANNI LEIGH - Gitarra, ahotsa
MIKE McKENZI - Gitarra
