Elliot Murphy
Elliott Murphy, zalantza barik, pertsonaia apartekoenetariko bat da Rockaren historian. Parisen bizi den newyorktarra, Manhattanetik eta diskoetxe multinazional handietatik erbesteratua, askok rock konpositore sutsu, jantzi eta adimentsuentzat jotzen dute. Musikaren negozioan dituen miresleak oso ugariak dira, R.E.M taldeko Peter Buck, Lou Reed, Tom Petty, John Mellencamp eta Elvis Costello izarrak barne. Bere azken bildumetako batean Bruce Springsteenen kolaborazioa izan zuen (bide batez, The Bossek Parisen jotzen duen bakoitzean, ezin dio eutsi Murphy agertokira gonbidatzeari).
1973tik, Murphyk hogeita hamahiru bilduma argitaratu ditu, kritikaren erantzun izugarria lortuta. 100 ikuskizun baino gehiago egiten ditu urtean eta idazle oparoa da. Aquashow debut txalotutik (Rolling Stone aldizkariak zera idatzi zuen: “Elliot Murphy eta bere lana gurekin egongo dira rock and rollak dirauen bitartean”, eta, berriki, UNCUT aldizkari britainiar entzutetsuak “Album klasiko” gisa sailkatu du 2012ko bere Just a Story From New York CDarekin batera, jaioterrira egindako itzulera arrakastatsua zela-eta grabatu zuena, New Yorkeko Rockwood Satagen sarrerak agortuta). Bere aurreko zuzeneko biek, Notes From The Underground (2009) eta Elliott Murphy (2011) lanek, 4 izar jaso dituzte All Music Guide ospetsutik. Gitarrarekin Olivier Durand birtuosoa du oraindik lagun, hala nola The Normandy All Star Band.
Bere musika-sormen ikaragarriaz gain, hainbat kontakizun laburren bilduma idatzi ditu, azkena Café Notes (Hachetter), eta bi eleberri, Frío eta Eléctrico, hainbat hizkuntzatan argitaratua, eta Poetic Justice (Hachette) neo-westerna. Era berean, The Velvet Undergrounden 69 live bildumaren azaleko oharrak idatzi zituen. “Literatura nire erlijioa da” - esan zuen Murphyk duela gutxi elkarrizketa batean- “baina rock and rolla da nire adikzioa”. Hala ere, bere ibilbidean dena ez da musika eta literatura izan: 1972an paper txiki bat jokatu zuen Federico Felliniren Roma filmean.
