Estrella Morente
XX. mendeko kantearen mito handienetarikoa izandakoaren Enrique Morente eta Aurora Carbonell dantzariaren alaba Estrella Morentek flamenkoa zainetan darama txikitandik. Izan ere, berea arte honen izen handienen artean dagoela erakutsi du bere karreraren hamar urteotan eta Morentek egun flamenko arloan dagoen ahotsik sasoitsuena duela esan daiteke. Liluratzen duen ahotsaren jabe, Estrella Morentek bere jaioterriko Granadaren musika herrikoiaren eragina milurte berriko flamenkoaren joerekin nahasten du. Bere aitaren orain gutxiko galerak utzi dion pena arte bilakatzera prest, eta New Yorkeko Carnegie Hall bezalako eszenatoki ezagunetan arrakasta lortu ondoren, Baluartera itzuliko da bere abesti ezagunenekin. 16 urterekin egin zuen bere estreinaldia abeslari gisa. Geroztik, hiru diska kaleratu ditu: Calle del aire, Mi cante y un poema, eta Mujeres. Hainbat sari lortu ditu, besteak beste, Flamenko Sortze Onenari Ondas Saria, edota Latindar Grammy-rako hautagaitza eta Amigo Sarientzako bi izendapen.
