Euskadiko Orkestra Sinfonikoa

Biolin eta orkestrarako kontzertua  [35’]

 

Romeo eta Julieta, opus 64 (aukeraketa)  [52’] *

     * Lehen aldiz interpretaturiko obra

 

Andrey Boreyko, zuzendaria

Leticia Moreno, biolina

 

 

Orkestraren zuzendari gonbidatu nagusi Andrey Boreykok ezin hobeto ezagutzen duen alor batetik eramango gaitu: Errusiako musika. Hasteko, Aram Katchaturianen Biolinerako Kontzertua. 1940n idatzia David Oistrakh biolin-jolearentzat, birtuosismo liluragarri bat eta Armeniako doinu herrikoitan oinarrituriko folklore-zertzeladak uztartzen ditu bere baitan. Espainiako belaunaldi berriko biolin-jole onenetakoa dugun Leticia Moreno izango da bakarlaria.Ondoren, Sergei Prokofieven Romeo eta Julieta balleta. Kirovek eskatu zion, hogei urte erbesteratuta egon eta gero Sobietar Batasunera bueltatzeko aukera aztertzen ari zela musikagilea. Bere herrian artista gisa aldarrikatzeko gogoaz bultzatuta, eta Europan garaturikoa baino ulergarriagoa zen estilo batez, Prokofievek hiru hilabete besterik ez zituen behar izan bere lanik unibertsalena bilakatuko zena idazteko.