Euskadiko Orkestra Sinfonikoa
PROGRAMA
G. Fauré
Pavane Op.50 (6')
M. Ravel
Piano eta orkestrarako kontzertua Sol maiorrean (24')
M. Ravel
Daphnis et Chloé (ballet) (56')
Ingrid Fliter, pianoa
Jun Märkl, zuzendaria
Antzinako Greziatik jazzeraino
Jun Märkl eta Euskadiko Orkestraren eskutik, iragana malenkoniaz irudikatu zuten bi egile frantziarren lanak entzungai. Faurék, Pavane lanean, Espainiar kutsuko dantza arin hura ekarri zuen gogora. Ravelek, bitartean, ondorengoa idatzi zuen Daphnis et Chloé bere balletari buruz: "nire ametsetako Grezia erreproduzitu nahi dut, XVIII. mendeko margolari frantziarrek irudikatu zuten horren oso antzekoa dena". Ballet Errusiarrak estreinatua 1912an, lanak ez zuen arrakasta handirik izan ballet gisa. Bere musikak ordea aitorpen handia jaso zuen hasieratik, orkestraren erabilpen birtuosoaren eredu bikainetakoa baita. Baina Ravelek, noski, ez zuen iraganerantz begiratzen soilik. Ingrid Fliter pianista argentinar handiak eskainiko digun Sol maiorreko piano eta orkestrarako kontzertuan jazzaren "zarata" hiritarra eta euskal folklorea uztartu zituen Ziburuko musikagileak.
