GöteborgsOperans Danskompani

GöteborgsOperans Danskompani, Goteborgeko Operako Dantza taldea (Suedia), operako antzoki batean egoitza duen dantza garaikideko talde bakanetako bat da. 22 herrialdetako dantzarik osatuta, errepertorio askotarikoa eta ausarta du, kasu gehienetan, egungo dantzako izen handiek berariaz sortua. Mugimenduaren bidez hunkitzea, arauetatik harago joatea eta dantza, arkitektura, bideoa eta musika beste diziplina batzuekin nahastea taldearen ezaugarriak dira. Goteborgeko taldeak bere azken sortzetariko bi ekarriko ditu Baluartera. Batetik, Skid, Damien Jaleten proposamena: agertokian 34 graduko makurdura edo inklinazioa dago, eta arriskuarekin eta umorearekin jolas egiten dute, aukeren mundu berri bat eskaintzen duen plano baten gainean. Eta bestetik, Autodance, Sharon Eyalen koreografia txundigarri eta bikaina, barnean dantza, technoa eta teknika ezin hobeto hartzen dituena.