Rikardo III.a, William Shakespearerena

The Life and Death of King Richard III William Shakespearek Ingalaterrako historiari buruz idatzi zituen lau lanetako bat da. Bertan, Tudor etxea boterera nola iritsi zen kontatzen du eta bai York familiaren gainbehera ere. Rikardo, Gloucesterko dukea, konkorduna eta itxuragabea, bere anaiak duen tronua edozein preziotan lortzea planeatzen ari da, bidean aurki ditzakeen oztopo guztiak kenduta. Moralik gabeko gizona da Rikardo, itxurakeriaren maisua, helburu bakar batekin, boterea lortzea, odol ekaitzak sorrarazteko gai den itxuragabea. Pertsonaia gutxi dago bere handinahian hain neurritik kanpokoa denik, hain lotsagabe bere nahiak lortzeko. Ikusi ahal izango dugun ekoizpena, Eduardo Vascok zuzenduta, Noviembre Teatro taldearen bermearekin etorriko da. Talde horrek 2014ko apirilean Shakespeareren beste tragedia handi bat ekarri zigun: Otelo. Shakespeareren testuaren gaztelaniazko bertsioaren kalitatea, aktoreen antzezte lan bikaina eta zuzeneko musika dira talde horren nortasun ezaugarrietako batzuk. Era berean, lanean erakusten duen seriotasunak eta zorroztasunak ezaugarritzen du, eta bai agertokian hitzarekiko erakusten duen maitasun handiak ere.

Arturo Querejeta, Isabel Rodes, Fernando Sendino, Francisco Rojas, Héctor Carballo, Cristina Adúa, Rafael Ortiz, Antonio de Cos, Ángel Galánekin (piano jolea)

Zuzendaria: Eduardo Vasco
Argiak: Miguel Ángel Camacho
Eszenografia: Carolina González
Jantziak: Lorenzo Caprile
Musika hautaketa eta egokitzapenak: Eduardo Vasco
Bertsioa: Yolanda Pallín
Zuzendaritza-laguntzaileak: Fran Guinot / José Luis Massó
Argazkiak: Chicho

* IRAUPENA: ORDU 1 ETA 40 MINUTU (atsedenaldirik gabe)