Suzko txoria

Igor Stravinskyk 28 urte baino ez zituen Sergei Diaghilev Errusiako Balletetako zuzendariak ballet baterako musika ontzeko agindu zionean. Hain zuzen, Errusiako folkloreko elezahar batean oinarrituta, Suzko txoria esaten zioten herri ipuin ezaguna gertakizun izango zuen balletak. Lana, Michel Fokineren koreografiarekin, 1910eko maiatzean estreinatu zen Parisen eta Stravinskyren lehen arrakasta handia izan zen. Errusiako Balleten ospe ona sendotu zuen, eta haientzat geroago Petrouchka eta Udaberriaren sagaratzea ondu zituen errusiar musikariak. Errusiako errepertorioko lan handi hau Georgiako kulturaren sinbolo den Georgiako Estatu-Balletak ekarriko du Baluartera. Balletaren egungo zuzendari artistikoa, Nina Ananiashvili, Moskuko Bolshoi antzokiko lehen dantzaria izan zen ia bi hamarkadan eta bai New Yorkeko American Ballet Theatrekoa ere 16 urtean.

Musika: Igor Stravinsky
Koreografia: Michel Fokine
Zuzendari artistikoa: Nina Ananiashvili

PROGRAMA