Titiriteroen abestiak
2009an Haur eta Gazte Antzerkigintzan Sari Nazionala eskuratu zuen Binefarko Titiriteroak konpainiak Baluarten kontzertu berezia eskainiko du Familia antzokira doa zikloari amaiera emanez. Konpainiak bere emanaldietan normalean interpretatzen dituen haurren kantutegiko melodia entzutetsuak aurkeztuko ditu gurean. Titiriteroen abestiak izeneko ikuskizun honetan Un elefante se columpiaba, Una, dola…, Antón pirulero, Todo el mundo en esta fiesta edo La Despelona bezalako abesti ezagunak entzungo dira, eta horren ohikoak ez diren beste batzuk baita ere, Periquituli, San Antonio y los pajaritos edo La portera de mi casa abestien kasu. Guzti hau txotxongilo erraldoi eta elementu handien eszenaratzearekin. Binefarko Titiriteroak konpainiak 30 urte daramatza bere moñakoekin munduan zehar, txotxongiloak eta musika eginez kale, plaza eta antzokietan. Aragoiko talde honek bere ibilbidean sari ugari eta entzutetsuak eskuratu ditu eta, besteak beste, New Yorkeko Guggenheim Museoan, Sao Pauloko faveletan, Donostiako Hamabostaldian edo Canneseko Jaialdian aritu da.
