Ipuinen Zaindaria
Nafarroako Ganbera Operak eta Nafarroako Orkestra Sinfonikoak Miquel Ortegaren Ipuinen zaindaria izenburuko haur-opera aurkezten dute. Opera Piccola markapean, Operaren Lagunen Bilboko Elkartearen koprodukzio honen libretoa Andrés Martorell-ek sinatzen du eta Pablo Ramos-ek eszena-zuzendaritza. Publiko familiarrari zuzendutako opera honek Ariadna eta Horacio egungo bi gazteren istorioa kontatzen du. Biak Ipuin Guztien Liburuan harrapatuta geratuko dira eta hortik aurrera hainbat ipuin ezagunetik ibiliko dira, besteak beste, Edurnezuri, Pinocho, Hansel y Gretel edo Poxpolo saltzailea, eta era guztietako egoerak biziko dituzte: abenturak, umorea, misterioa…
Honako hau Nafarroako Ganbera Operaren beste erronka bat da: soil-soilik haurrek abestutako opera bat ematea. Nafarroako Ganbera Opera elkartea ikuskizun dramatiko-musikalak egiteko asmoarekin sortu zen, batipat opera azpimarratuz, beraien ustez hau bait da ikusle kopuru gehiago bereganatzeko beharra duen genero musikala. Horretaz gain, NGOk antzerki eta musikaren inguruko ikastaroak antolatzen ditu, helburu nagusi batekin: dramatiko-musikal motako ikuskizunenganako zaletasuna areagotzea, zaila baita hauek ikusleen arteko lehentasunen artean egotea.
Nafarroako Ganbera Opera
Nafarroako Orkestra Sinfonikoa
Musika-zuzendaritza: Miquel Ortega
Eszena-zuzendaritza: Pablo Ramos
Jantziak: Edurne Ibáñez
Argiztapena: Koldo Taínta / Global
Irudiak eta proiekzioak: Leandro Suárez
