Iruñea Kantuan V
Baluarteko Areto Nagusian euskal folklore kulturala eskaintzen duen kontzertu bat burutuko da, Euskadi, Nafarroa eta Iparraldeko kantuak eta musika biltzen dituena. Emanaldi hau musikari eta abeslari ospetsuen eskutik egingo da. Iruñea Kantuan hitzordu honen azken xedea ikus-entzuleen partehartze aktiboa bultzatzea da. Besteak beste, emanaldian , musikariak: Txema Garces, iñaki Diéguez, Juantxo Zeberio, Asier Oleaga, Franzisko Herrero, Joxerra Mitxelena, eta abesbatzak, Iruñeko Orfeoia, Menditarrak, Mendigoitiko eta Sarrigurengo Joakin Lizarraga eskola publikoetako ikasleak. Abeslariak eta dantzariak: Xabier Euzkitze, Maria Amolategi, Gontzal Mendibil, Urko, Juanpa Agirre, Estitxu Pinatxo, Jaione Olazabal, Doneztebeko eta Leitzeko Dantzariak arituko dira.
