Iván Ferreiro

Cuentos y Canciones Iván Ferreiroren musika-ibilbidean zehar egindako bidaia intimo eta eragabea da. Ikus-entzunezko instalazioaren eta errepertorio berezi eta ezustekoaren laguntzarekin, Ivánek bere biografia zeharkatuko du istorioen, bertsioen eta, jakina, bere abestien bidez. Kanta batzuen sorrera ere azalduko du, kontzertua eta ipuin-kontalari baten emanaldia uztartzen dituen formatu batean.

 

Iván Ferreiro Vigon jaio zen, Galizian, eta indie pop-rockaren kulturako artista emankor eta argienetako bat da Espainian. Gaztelaniazko pop-rock soinu alternatiboenaren aitzindari izan zen Piratas taldeko kideekin batera. 90eko hamarkadaren amaierako talderik esanguratsuenetako bat izan zen Piratas, eta haren soinuak gaur egun arrakastatsuak diren indie talde askoren sorrera eragin zuen. Talde ohiarekin batera arrakasta handia lortu zuen, eta Europako MTV sarietarako hautagai ere izan ziren gaztelaniazko musika-talderik onenaren kategorian (Frankfurten, 2001ean). Gero, bakarka edo beste artista batzuekin lankidetzan, berritzeko eta sortzen jarraitzeko gogoari eutsi dio eta ia atsedenik hartu gabe jardun du konposatzen.