Javier Camarena, tenorra

Javier Camarena operaren arloan egun grina handienak eragiten dituen tenorra da. Mexikarra lirikaren jainko-jainkosen Olinpora igo zen azken hirurogeita hamar urtean New Yorkeko Metropolitan Opera Housen bis bat eskaini zuen hirugarren abeslaria izatean. Ohore hori bera izan zuten beste bi tenorrak Luciano Pavarotti eta Juan Diego Flórez izan ziren. Camarenak Madrilgo Errege Antzokian errepikatu zuen ekintza gogoangarri hori. Munduko opera antzoki handi guztietan nahi eta txalokatzen dute Camarena. Mexikar tenorra bere interpretazioen edertasunarengatik miresten dute, birtuosismo eta zailtasun handiko errepertorio batean. Errepertorio horretan, munduko operako abeslari ospetsu garrantzitsuenekin ditu harremanak eta zuzendari nabarmenen pean, besteak beste, Claudio Abbado eta Zubin Mehtaren pean. Mundu osoko operako super izar bihurtzeko bidean doa Javier Camarena.