La Pasión según San Mateo
Bach-en obra ospetsuena eta interpretatuena da, baita luzeena eta esanguratsuena ere, mendebaldeko musikaren obra nagusien aparteko taldean dagoen pieza. Leipzigen 1727 urtean estreinatuta, obrak Mateo ebanjelistaren testua kontalari baten bidez jarraitzen du, obran agertzen diren pertsonaiek (Jesus, Judas, Pilatos...) beren ariak interpretatzen dituzten bitartean. Orkestra nahiz korua bitan banatzen dira, eragin handiko efektu estereofonikoa sortuz publikoarentzat ezagunak diren parte koral eta instrumentaletan. Bach-en garaian emakumeek ez zuten elizetako koruetan abesten, soilik haurrak eta falsetistak erabiltzen ziren. Windsbacheko Haur Kantarien Koruak Baluarten eskeiniko duen kontzertuan berezitasun nabaria da hau. Emankizuna Deutsche Kammervirtuosen izenaz ezagutzen den Berlingo Sinfonikaren birtuoso talde baten laguntzarekin eskeiniko dute. 1946 urtean sortu zen Windsbacheko Haur Kantarien Koru alemaniarra, eliz errepertorioaren interpretazioan talde hoberenen artean dago.
