'Latinos', María Bayorekin

María Bayo eta Thierry Ravassard, Ensemble In & Out taldeko zuzendaria, Poulencen La Voix Humaine lana prestatzen bat etorri ziren, eta adiskidetasun eta gogokidetasun profesionaletik Hego Amerikako egileen musikarekin ganberako proiektu liriko bat sortzeko ideia sortu zen haien artean. Hala sortu zen Latinos, Lecuona, Piazzolla, Guastavino eta Villa Lobosen lanak dituen programa bat, Yves Prin musikagileak moldatu eta orkestratuak. Ensemble In & Out taldeak proiektu berezi baten inguruan biltzen du musikari talde bat, eta hartan ahotsak eginkizun nagusia du. María Bayo nafar eta nazioarteko sopranoak, Kulturako Vianako Printzearen Saria jasotakoak, ez du aurkezpen handirik behar Baluarte Fundazioaren Denboraldian, bertan izateko pribilegioa eduki baitugu. Latinos 2016an estreinatu zuten, Suitzako Les estivales musicales jaialdian, eta Madrilgo Errege Antzokiko agertokian 2017an aurkeztu zuten.