Les Arts Florissants
Jean Philippe Rameau dugu XVIII. mendeko musika eszeniko frantziarraren adierazgarri nagusia. Les Indes galants, Les talens lyriques, Les Boréades, Platée, Les paladinsekin batera, 1760an Parisen aurkeztutako komedia lirikoa, dira bere izenburu nagusietako batzuk. Azken urteotan William Christieren mailako jendeak eszenarako berreskuratu ditu. Rameauren musika, zenbaitetan Voltaire libretistatzat izan zuena, bere bizitasun eta pertsonaiei ematen dien tratamenduagatik nabarmentzen da, Lully bere aurrekoak bezala, intrigaren erabilpen apaingarriaz haratago doalako eta protagonistak bere nortasunean sakontzen dituelako. Christie da frantziar musika barrokoaren berpizkunde berriaren egile nagusia, eta baita toki guztietan izaten ari duen arrakastaren arduraduna ere. Les Arts Florissants bere taldearekin Baluartera dakarren bertsio semieszenikoak, gainezka duen energiagatik eta mantentzen duen jarrera sutsuagatik, Europako kritikaren gorespena jaso du.
