Los Sabandeños
Tradiziozko musikan derrigorrezko erreferentzia-puntu bihurtu den taldearentzat aurkezpenak soberan daude: Los Sabandeños, 40 urteko ibilera eta grabatutako 50 diskotik gora dituen kanariar musika-elkarte beteranoa, bere musikaren magia Baluartera ekarriko dute abuztuan. 1966 urtean sortu zen Tenerifeko taldeak hasieratik musika genero ezberdinei heldu die, hala nola, kanariar folklore-errepertorio askotarikoa, latinoamerikar kantutegi aberatsa eta, berriki, boleroa. Kanariar taldeak Baluarten bere azken lana, Personajes, aurkeztuko du. Diska honekin, Los Sabandeños pertsona talde bati soinu omenaldi bat eskeintzen diote, pertsona ospetsu izatera heldu ez arren, beren komunitateen eguneroko iritzian sakon sartzea lortu zutenak. Halaber, kanariar artistek beren ohiko errepertoriotik errepasoa eginen dute. Nazioarteko esker onaren emaitza bezala, Alfredo Kraus, Mario Benedetti, Francisco Rabal, Silvio Rodríguez, Luis Eduardo Aute edota Mercedes Sosa artistek heurekin kolaboratu dute, besteak beste. Bere karrera zabalean, Los Sabandeños taldeak Nazioarteko proiekzio Folklore talde onenari saria (1973, Record World aldizkari estatubatuarra) eta Espainiako Egile Elkarte Jeneralaren Garaikurra (SGAE, Madril, 1993) eskuratu ditu. Gonbidatu bezala Araciel talde nafarrak irekiko du kontzertua, kanariar taldearekin 2001 urtetik behin baino gehiagotan aritu dena. Corellako taldeak boleroak, habanerak, hegoamerikar musika eta 60. hamarkadako abesti ezagunak interpretatuko ditu.
