Muna laukotea Maider Irazabal (flauta), Leire Fernández (biolina), Izaskun Yaben (pianoa) eta Martin Etxauri (bideoa) gazteek osatzen dute. Taldeak musika klasikoa eta mugimenduan dauden irudiak fusionatzen ditu, obra bakoitzari ikuste-eduki batez hornituz, idatzi zuteneko testuinguruaren arabera. Askotariko hizkuntzak erabiltzen dituzten musikagileen obrak interpretatzen dituzte, tradiziozko estilo batetik garaikide eta berritzaileak diren beste batzuetara: Bohuslav Martinu, Nino Rota, Koldo Pastor, Lorenzo Ondarra, Arthur Honegger… Muna Ensemblerentzat musika eta irudiak ikus-entzunezko oso bat osatzen dute.
Pablo Sarasate Goi Mailako Kontserbatorioan musika ikasketak egin eta Europan beren ezagutzak zabaldu ostean, Maider Irazabal, Leire Fernández eta Izaskun Yaben XX. mendetik aurrera idatzitako musika interpretatu eta ezagutzera emateko asmoarekin 2008an elkartu ziren. Hirukotea laukote bilakatu da 2010ean Martin Etxauri bideo-jockeyaren eransketarekin.
EGITARAUA
Urtzi Iraizoz
Trikuarri
I. Errekerteko lamia
II. Galtxagorriak
III. Harkaizen ele zaharrak
B. Martinu
Promenades
Martin Zalba
Sirynx
Koldo Pastor
Gorritik Beltzera
Nino Rota
Trio Per flauto, violino e Pianoforte
* Iraupena: 55 minutu