Musikal guztiak ia ia

 

Lau interpretatzaile bitxik, zuzenean abestuko ditu, a cappella edo ahots hutsez, garai guztietako hogeitik gora musikal ezagunen bertsio dibertigarriak eta originalak. Erretroproiektorearen bidez emanda, dozenaka dekoraziok lagunduko diete eta bai beraiek egindako grabazioek ere; hartara, ahots orkestra ugaria eta dantza talde osoa eratuko dute.

 

Musikal guztiak ia ia DEMODE QUARTETen hirugarren ikuskizuna da. Umorezko show honetan, lau pertsonaia bitxik historiako musikal esanguratsuenak kontatu eta kantatu egiten dituzte. Mikel, Joli, Iker eta Daviden bitartez lau pertsonaia ezagutu ahal izango ditugu: kantari hotz eta kalkulatzaile bat, musikaletan negozioa egin nahi duena; genero horren interpretatzaile aditu eta perfekzionista bat, merezi duen errekonozimendua oraindik jaso ez duena; aktore eta kantari gogotsu bat, estilo guztietara moldaerraza, musikal guztietako anekdotarik zentzugabeenak ezagutzen ditu eta emakumezko paper guztiak egiten tematuta dago; eta baxua, tipo uzkur eta arraro bat, ahoa ireki orduko ustekabean harrapatu eta despistatzen ditu bere kideak... baita publikoa bera ere.