Oihaneko liburua
Xàtivako Antzoki Handian 2013ko apirilaren estreinaturiko Oihaneko liburua musikala Eventime Teatrok ekoiztutako proiektua da; zehazki, Mario Sanchís Císcar-en eskutik, Pinotxo, ipuin musikala–ren (2011ko Max Sarietan finalista) eta Errauskine, musikala–ren sortzailea. Mowgli txikia, Baloo hartza, Baheera pantera, Shere Khan tigrea eta Oihaneko liburua klasikoaren gainerako pertsonaiak Baluarteko eszenatokian izanen ditugu musikal itxuran. Joseph Rudyard Kipling (1907ko Literatura Nobel Saria) indiar nobelagile eta poetaren ipuin entzutetsuena den honek musikaz, jolasez eta abenturaz betetako bidaia eskainiko du, transformazio, proiekzio, txotxongilo eta ilusionismoarekin. Aski ezaguna den istorio honek Indiako oihanean animaliez inguratuta hazten den umearen gorabeherak kontatzen ditu: Mowgli, otsoek zaindu eta hazitako mutikoa da, Baloo hartza eta Bagheera pantera ditu lagunik onenak. Abentura handi bat da bere bizitza, arriskuz betea, atzean baitauzka, beti zain, Shere Khan tigrearen atzaparrak.
