Terrorismoaren Biktimen Oroimenezko Kontzertua

 

 

Martxoaren 11n Terrorismoaren Biktimak Oroitzeko Europako Eguna ospatzen da duela urte batzuetatik. Europak egutegian finkatu nahi izan du egun hori terrorismoaren biktimei eta beren familiei babesa eta solidaritatea azaltzeko. Nafarroako Gobernuak, aurten ere, bat egin du egun honen ospakizunarekin beste behin indarkeria terrorista gaitzetsi eta egungo gizarteari eta belaunaldi berriei biktimen memoria oinarritzat hartu, eta errespetua eta bizikidetza erdigunean jartzen dituen mezua helarazteko; berriro hain krudelak diren ekintza terroristak gauzatu ez daitezen. 

 

Nafarroako Gobernuak terrorismoaren biktimen omenez antolatu du kontzertu hau. Europan bezala, Nafarroan ere, indarkeria terroristaren injustizia sufritu dutenak oroitu eta aitortu nahi ditugu, eta bereziki hain egun berezian gure solidaritatea azaldu. 

 

Carlos Etxeberria Alonsoren zuzendaritzapean In Tempore Abesbatz-Coro & Ensemblek TUVAYHUM 'BEATITUDES FOR A WOUNDED WORLD' obra eskainiko du. Kim André Arnesen musikagile norvegiarrak konposatua, testuak dio mundua leku zoragarria dela, baina aldi berean arazoz, gorrotoz, suminduraz, gaitzespenez eta jazarpenez betea, eta beraz, konfiantza, itxaropen, maitagarritasun, gupida nahiz gizatasun mezuak behar dituela, baita elkarrekiko errespetua ere. Dibertsitatearen eta inklusioaren aldeko lana da, hesi politikoak, erlijiosoak eta ekonomikoak gainditzera eta ezberdinak irudi dezaketen pertsonekin mundua partekatzera dei egiten duena.

 

 

 

IN TEMPORE Abesbatza & Ensemble

Andrea Jiménez, sopranoa

Nerea Berraondo, mezzosopranoa

Andoni Sarobe, baritonoa

 

Zuzendaria: Carlos Etxeberria Alonso

Eszena-zuzendaria: Elur Olabide