Zurich-eko Balleta
Zurich-eko Operako Balleta Europako dantza konpainia entzutetsuenetariko bat da eta Suitzako Ballet garrantzitsuena. 1996an Balletaren zuzendaritza Heinz Spoerli-k bere gain hartu zuenetik, konpainia munduko dantzaren lehen postuetara eraman du. Koreografo handi honen ahalmen sortzailea eta lanerako ahaltasuna En el viento, en la nada koreografian nabarmentzen dira; hau bere lan zehatz eta poetikoenetariko bat da, Bach-en Biolontxelorako Suiteak-en musikarekin egina. Koreografia hunkiberatasuntsua da, bertan birtuosismoz beteriko eszenak bata bestearen ondoren datozela, ikuspuntu fisikotik oso zorrotzak. “Koreografia – Spoerliren hitzetan– musikarekin elkarrizketa da. Klase guztietako musika dut gustoko eta musikagile mota guztietako obrekin idatzi ditut balletak, baina Bach-ekin dudan harremana zerbait berezia da”. Claudius Herrmann-ek, Zurich-eko Operako Orkestraren biolontxelo bakarlariak, zuzenean interpretatuko ditu Bach-en Suiteak.
Koreografia: Heinz Spoerli
Musika: Johann Sebastian Bach. Biolontxelorako Suiteak, 2, 3 eta 6. znb.
Eszenografia: Sergio Cavero
Jantziak: Heinz Spoerli
Argiztapena: Martin Gebhardt
Biolontxeloa: Claudius Herrmann
* Iraupena: 75 minutu (atsedenaldirik gabe)
